SiteName.com

Cymraeg | English

Gwobr Lluniadu Kyffin Williams 2012 ~ Cyflwyniad

Gwybodaeth i Ymgeiswyr

Nod
Nod Gwobr Lluniadu Kyffin Williams yw hyrwyddo a gwobrwyo sgiliau o safon uchel yng Nghymru.

Mae Gwobr Lluniadu Kyffin Williams yn cefnogi ac yn cydnabod gwaith pob arlunydd yn y maes lluniadu, gan gynnwys arlunwyr cydnabyddedig a hefyd gwaith arlunwyr sy’n datblygu ac sy’n ymarfer eu sgiliau arlunio.

Beirniaid
Mae'r gystadleuaeth yn cael ei barnu gan banel o feirniaid fydd yn cynnwys arlunwyr, curaduron ac aelodau’r Ymddiriedolaeth.

Beirniaid
Yr Athro Derec Llwyd Morgan: Cadeirydd, Ymddiriedolaeth Syr Kyffin Williams
Paul Joyner, Llyfrgell Genedlaethol Cymru:
Ymddiriedolwyr Ymddiriedolaeth Syr Kyffin Williams
Gareth Parry: Arlunydd
Mary Lloyd Jones: Arlunydd
Sarah Carvell: Arlunydd

Y ganolfan weinyddol ar gyfer y wobr fydd Oriel Ynys Môn, sef partneriaeth weithio rhwng Ymddiriedolaeth Syr Kyffin Williams ac Oriel Ynys Môn.

Cydlynydd y wobr yw: Nicola Gibson, Swyddog Celf, Oriel Ynys Môn.

Cyffredinol
Bydd yr holl waith ar gyfer yr arddangosfa yn waith fydd, ym marn y panel dewis, yn gymwys fel lluniadau. I bwrpas y gystadleuaeth hon fe ddisgrifir lluniad fel: gwaith celf gwreiddiol, mewn dau ddimensiwn, fel arfer ar bapur, wedi ei wneud o farciau graffig fydd yn cynnwys y defnydd o linell o fewn y darlun.

Bydd pob gwaith yn cael ei dderbyn i’w gyflwyno ar y ddealltwriaeth hon, a bydd penderfyniad y Panel yn derfynol. Ni fydd unrhyw lythyru. Ni chaiff y beirniaid, aelodau o’u teuluoedd, Ymddiriedolwyr Ymddiriedolaeth Syr Kyffin Williams na staff Oriel Ynys Môn ymgeisio.

Rhaid i’r holl waith fydd yn cael ei gyflwyno fod ar gael trwy gydol yr arddangosfa.

Mae pob gwaith a wnaed ers Ionawr 2011 yn gymwys i’w roi i mewn.

Rhaid i bob arlunydd gytuno i’w waith gael ei gynnwys yn yr E-Arddangosfa

Cliciwch yma am fwy o fanylion a 'Cwestiynau a Ofynnir yn Aml '

Cliciwch yma am daflen wybodaeth	Cliciwch yma am ffurflen gais